Загадкі

    Главная  Родителям    Родная мова    Загадкі

    Даўганосы, даўганогі

    Прыляцеў з далёкай дарогі

    (Бусел)

    У чырвоных ботах

    Па балоце ходзіць,

    Жабак спрытна ловіць.

    (Бусел)

    Мышак ловіць, ды не коцік ён,

    I лісты носіць, ды не паштальён.

    Каб лісе не трапіць на зубок,

    У калючы скруціцца клубок.

     (Вожык)

     

    Невялікі, рыжаваты,

    А хвост доўгі і калматы,

    На дрэве жыве і шышкі грызе.

             (Вавёрка)

     

    3 ялінкі на ялінку,

    З галінкі на галінку

    Скача агеньчык жывы...

    Хто гэта? Знаеце вы?

    (Вавёрка)

     

    У рыжай разбойніцы

    Хвост, як мятла.

    Ад кары ўцякла –

    Сляды замяла.

    (Ліса)

     

    Ён прысмакаў з'еў нямала,

    А калі харчоў не стала,

    Лапу смокчучы, заснуў,

    Ледзьве не праспаў вясну.

     (Мядзведзь)

     

    У ваду нырае смела,

    Хатку ён будуе ўмела,

    Пад вадой і на вадзе

    Будаўніцтва ён вядзе.

    (Бабёр)

     

    Адгадайце, хто такі

    На нагах гусіных

    Сярод быстрае ракі

    Збудаваў плаціну.

    (Бабёр)

     

    Па лясах блукае статак

    Волатаў і немаўлятак.

    Гэта пушчы спадары –

    Белавежскія…

    (Зубры)

    3 грывай, а не конь,

    З рагамі, а не бык,

    З барадой, а не казёл.

    Гучна-гучна зароў

    Цар пушчанскіх звяроў.

    (Зубр)

     

    3 грывай, а не конь,

    З рагамі, а не бык,

    З барадой, а не казёл.

    Гучна-гучна зароў

    Цар пушчанскіх звяроў.

    (Зубр)

     

    Ляжыць сярод градкі зялёны і гладкі.

    (Агурок)

    Маленькі шарык пад лаўкай шарыць.

    (Мыш)

    Маленькі, удаленькі скрозь зямлю прайшоў,

    чырвоную шапачку знайшоў.

    (Падасінавік)

    Касматы, вусаты, есці пачынае – песенькі спявае.

    (Кот)

    Што нас корміць, а есці не просіць?

    (Зямля)

    Каляровае карамысла цераз рэчку павісла.

    (Вяселка)

    Не агонь, а пячэцца?

    (Крапіва)

    Хто ні ідзе, усяк яму паклоніцца?

    (Грыбу, ягадзе)

    Прыйшла чорная маці, усіх паклала спаці.

    (Ноч)

    Белы, як снег, салодкі, як мёд.

    (Цукар)

    Мяне ўсе просяць,

    Мяне чакаюць,

    А як толькі з’яўлюся,

    Хавацца пачынаюць.

    (Дождж)

    Верных сябраў па дзесятку,

    Яны кормяць, апранаюць,

    Працаваць дапамагаюць.

    (Пальцы)

    Белы, а не цукар, без ног, а ідзе.

    (Снег)

    З вады нарадзіўся і ў ваду ператварыўся.

    (Снег)

    Дзядуля без сякеры мост пабудаваў.

    (Мароз)

    Зялёная, а не луг, белая, а не снег,

    курчавая, а без валасоў.

    (Бяроза)

    Кішэні не мае, а сонца хавае.

    Страху не мае, а ад ветру ўцякае.

    Вачэй не мае, а слёзы пралівае.

    (Хмара)

    Хто прыйшоў пад Новы Год

    У дзіцячы карагод,

    Торбу з цацкамі прынёс? Ён завецца — ...

    (Дзед Мароз)

    Два браты ў воду глядзяць,

    А разам не сыходзяцца.

    (Берагі)

    Чараўніца да нас завітала - 

    Усё ажыло, заспявала.

    (Вясна)

    Днём і ноччу я іду,

    Ранкам вас не падвяду.

    Нават тых, хто моцна спіць,

    Здольны хутка разбудзіць.

    (Будзільнік)

    Сакавіты, круглаваты

    Здаравяка гэты.

    Нам патрэбны на салаты

    І на вінегрэты.

    (Бурак)

    Што за дзіўны насарог?

    Дзякуючы рогу

    Рог засыпаць дапамог,

    Разраўняў дарогу.

    (Бульдозер)

    Звіўся, скручыўся клубком,

    Не падымеш - колкі:

    Як штыкі, тырчаць кругом

    Вострыя іголкі.

    (Вожык)

    Шустранькі, маленькі,

    Сам у шэрай світцы

    Шукае канапелькі,

    Каб трохі пажывіцца.

    (Верабей)

    Уяго адны турботы:

    Адвільнуць як ад работы.

    Беспрабудны суткі спіць,

    Ды яшчэ пра гэта сніць.

    (Гультай)

    Рассыпаўся гарох

    На сто дарог,

    Ніхто на падбярэ:

    Ні цар, ні царыца,

    Ні красная дзявіца.

    (Град)

    Каля сосен, каля ёлак

    Збудаваны дом з іголак.

    Можа, вам знаёмы ён?

    Жыхароў у ім мільён.

    Усе працуюць урачыста,

    Вось чаму навокал чыста.

    (Мурашнік)

    Не вялікае, без'языкае:

    Не есць, не п'е,

    А гаворыць і пяе

    (Радыё)

    Шыя доўгая ў яе,

    Хоць сама - як шафа.

    Недзе ў Афрыкі жыве,

    А завуць ....    (жырафа)

    Белым пухам замяло

    І палеткі, і сяло.

    Мост праз рэчку хутка ляжа.

    А што гэта, хто адкажа?

    (Зіма)

    Круглыя, як мячыкі,

    Быццам адуванчыкі,

    На двары ля хаты

    Ходзяць...  (кураняты)

    Вісіць - зялёны, ляціць - жоўты, ляжыць - чорны. 

    (Ліст)

    Вадкае, а не вада, белае, а не снег.

    (Малако)

    Рыжая дзяўчына

    Залезла ноччу ў двор - 

    Курэй пералічыла

    І ўсіх панесла ў бор.

    (Ліса)

    Урадзіўся ён высокі,

    Шаўкавісты, сінявокі.

    Апранае нас здавён...

    Здагадайцеся, хто ён?

    (Лён)

    Цэлы дзень лятае,

    Усім назаляе,

    А ноч настане,

    Тады перастане.

    (Муха)

    Болей б'ём - ён лепей скача,

    Не сярдуе і не плача.

    Моцна ўдарыш - не дагоніш,

    А ў вадзе з ім не патонеш.

    (Мяч)

    Маленькі шарык

    Пад лаўкай шарыць,

    Збірае крошкі,

    Баіцца кошкі.

    (Мыш)

    Яно слізгае ў руках,

    Мае асаблівы пах.

    У ваду як пападае,

    Паступова прападае.

    (Мыла)

    Што за гаспадар лясны

    Спіць пад снегам да вясны,

    Ну а летам да калод

    Ходзіць красці чужы мёд?

    (Мядзведь)

    Праз палі, масты, лясы

    Ляцяць словы-галасы.

    Дзякуючы правадам

    Кажуць тут, а чуюць там

    (Тэлефон)