Лічылкі

    Главная  Родителям    Родная мова    Лічылкі

    Хадзіў буська па балоту,

    Ён шукаў сабе работу.

    Шукаў, шукаў, не знайшоў

    І заплакаў ды пайшоў.

     

    Ішоў баран па крутых гарах,

    Сарваў траўку,

    Палажыў на лаўку.

    Хто яе возьме, той вон пойдзе.

    Раз Аліса, , два Аліса,

    Тры, чатыры – павярніся:

    Ты ўбачыш дрэвы, краскі

    І героеў добрай казкі.

    Раз, два, тры, чатыры, пяць –

    Будзем у хованкі гуляць.

     

    — Заяц-месяц, дзе ты быў?

    — У лесе.

    — Што рабіў?

    — Лыкі драў.

    — Куды клаў?

    — Пад калоду.

    — Выйдзі вон із карагоду!

    Эны-бэны, фіны, лёк,

    Сам Пятровіч бліны пёк.

    Пёк, пек, не дапёк,

    Схапіў шапку дый уцёк.

     

    Ляцеў воран

    У трубу чорну.

    Дым валіць —

    Табе жмурыць.

    Ішоў баран

    Па крутым гарам,

    Вырваў траўку,

    Палажыў на лаўку.

    Хто яе возьмець,

    Той вон пойдзець.

     

    Кацілася торба

    З высокага горба,

    А ў той торбе

    Хлеб, пшаніца.

    З кім жадаеш

    Ты дзяліцца?

    Ішла кукушка міма сеці,

    А за ёй пішчалі дзеці.

    Кук-мак, кук-мак,

    Выбірай адзін кулак.

    Ку-ку, ку-ку,

    Прынімай адну руку.

     

    Раз, два - рукава,

    Тры, чатыры - нос ў чарніле,

    Пяць, шэсць - кашу есць,

    Сем, восем - сена косім,

    Дзевяць, дзесяць

    Мішу просім.

    Стакан, лімон,

    Выйдзі вон!

    Стакан вады,

    Выйдзі ты!

     

    Ішла кошка па раялі,

    Наступіла на педалі

    I ад болю закрычала:

    — Мяу!

    Раз, два, тры, чатыры, пяць,

    Выйшаў месяц пагуляць,

    А за месяцам луна —

    Аставайся ты адна.

     

    Раз, два, тры, чатыры, пяць,

    Выйшаў зайчык пагуляць.

    А за зайчыкам луна,

    Просіць выйсці калдуна.

    Раз, два, тры, чатыры, пяць,

    Выйшаў зайчык пагуляць,

    А за зайцам — шэры воўк,

    Воўк у зайцах знае толк.

     

    Раз, два, тры, чатыры,

    Кошку грамаце вучылі:

    Не чытаць, не пісаць,

    А за мышкамі скакаць.

    Раз, два, тры, чатыры, пяць,

    Шэсць, сем, восем, дзевяць, дзесяць,

    Выплывае белы месяц,

    А за месяцам луна,

    Хлопчык дзеўчыны слуга.

    - Ты, слуга, падай карэту,

    А я сяду і паеду.

    Ты, слуга, падай лімон,

    А я свісну, а ты - вон!

    Раз, два, тры, чатыры, пяць,

    Шэсць, сем, восем, дзевяць, дзесяць,

    Выплывае белы месяц,

    А за месяцам луна,

    Выйшла дзевіца-слуга.

    - Ты, слуга, падай карэту,

    А я сяду і паеду,

    Ты, слуга, падай мятлу,

    А я хату падмяту.

     

    Бегла курка па таку,

    Па зялёным табаку,

    Ела сахар і мядок,

    Адчапіся, каралёк.

     

    Села курка на вазок,

    Едзе курка на таржок

    І купляць, і прадаваць.

    Каго будзеш выбіраць?

    Жыў на возеры туман,

    У тумане плыў Іван,

    Над Іваном слаўся лён, -

    Хто не верыць – выйдзі вон.

     

    Раз ку-ку, два ку-ку,

    Бяжыць вожык па таку.

    А за ім вясёлы зай,

    Каго хочаш – выбірай.

    Валя, Галя і Валодзя

    Полюць боб на агародзе.

    Цяжка боб палоць густы,

    Памагчы ім пойдзеш ты.

     

    Плыў па моры чамадан,

    Ў чамадане быў дыван,

    На дыване плаваў слон.

    Хто не верыць – выйдзі вон!

    Раз, два, тры,

    Мыўся коцік на двары.

    А калі закончыў мыцца,

    Наступіў на лапку мышцы.

    - О-ё-ёй! Хіба так можна?! –

    Плача мышка. – Асцярожна!

     

    Чорны жучок сеў на сучок,

    Сучок зламаўся,

    Жучок падняўся.

    Нясі яму папіць.

    А табе – вадзіць.